برنامج 100%ماغ يحتفي بالكاتب الصحبي الكرعاني و روايته دفاتر الجيلاني ولد حمد
في إطار فقرة #MAGBOOK استقبل برنامج 100%ماغ الكاتب الصحبي الكرعاني صاحب المؤلف #دفاتر_الجيلاني_ولد_حمد.
و قد قدمت الزميلة ريم علوان معدة الفقرة الكتاب كما يلي :
كتاب يمتد على قرن و نصف من الزمن في منطقة ريفيه في أحواز القيروان . من لحظة التأسيس الأولى لعين حمد إلي تشبه لحظة لبداية البشرية أما هنا في صورة قصة حب طريفة تحدات الأقدار بين مريم و عامر الذي كان له من إسمه نصيب.
الكتاب وليد ذاكرة الجيلاني ولد حمد و هذا خلق برشة تحديات للكاتب في تقنيات السرد digression / anticipation و في إختيار اللغة بسيطة بعبارات فرنسية مترجمة و تركيبات مستوحاة من الدارجة و كسر linéarité historique اذاكا علاش عنا تشابك بين الأزمنة و تقاطع بين مختلف الاحداث و الشخصيات.
حكاية الجيلاني تقاطعت مع تاريخ تونس أما موش تاريخ المدن و الحضر و لكن التاريخ كيما تعدى على البدو و المهمشين إلي كأنو في صراع دائم مع الطبيعة و السلطة و الفقر و الآخر و ميولاتهم مما جعلها ترتقي لملحملة شعبية الكل بالتركيز على التفاصيل و اليومي و الخصوصية الإجتماعية و التاريخيه و النفسية لكل شخصية لدرجة تراهم قدامك يتحركو و يعيشو و لذلك أعطانا سي الصحبي لمحة على تربية التونسي بكل تناقضاتو و خصوياتو و طرافتو
الطرافة موجودة في النكتة anecdote في الأحداث الغير متوقعة في absurdité des destins يعني نحكيو على سخرية القدر في أكثر من موقع
بالنسبة للجيلاني إلي هرب من ضيق عين حمد باش يوصل إلى ضيق السجون الفرنسية كانتلو كتابة المذكرات وسيلة تحرر من ماضيه و تصالح مع تاريخ عايلتو و كيف نحرر هرب زادة من السجن و تحرر من كل شي
